لاہور۔ مسلم سٹوڈنٹس فیڈریشن کے سابق مرکزی صدراورہیومن رائٹس موومنٹ کے چیئرمین محمد ناصراقبال خان نے کہاہے کہ این آراونہ آتا توکئی وزیراورسیاستدان اس وقت جیل میں ہوتے۔پاکستان کی معیشت کا زوال اقتدار کے ایوانوں میں پھیلی کرپشن کا نتیجہ ہے۔ملک میں ناخواندگی اورپسماندگی کے پیچھے حکمرانوں ،سیاستدانوں ،جاگیرداروں اورسرمایہ داروں کوہاتھ ہے ۔عوام کاباشعوراورخوشحال ہونا انہیں سوٹ نہیں کرتا۔اپنے ایک بیان میں محمد ناصراقبال خان نے مزیدکہا کہ آصف زرداری کا ایوان صدر سے کراچی میںویڈیوخطاب ان کے منصب کے شایان شان نہیں تھا۔اگر ان میں تنقید برداشت کرنے کا حوصلہ نہیں ہے تووہ اقتدار چھوڑدیں۔انہوں نے کہا کہ اگرفوجی آمرپرویز مشرف کے نقش قدم پرچلتے ہوئے طرح زرداری حکومت نے بھی میڈیا کوانتقام کا نشانہ بنایااور چینل یااخبار پرکوئی قدغن لگایا توعوام خاموش نہیں رہیں گے۔ کسی انسان کے چہرے پرکوئی داغ لگا ہوتوآئینہ توڑنے سے وہ صاف نہیں ہوجاتا۔ انہوں نے کہا کہ لاپتہ افراد کی تاحال عدم بازیابی بنیادی انسانی حقوق سے متصادم ہے ۔ پاکستان میں عام لوگ استحصال کانشانہ بنتے ہیں ،ان کے بنیادی حقوق سمیت ان کی عزت نفس تک محفوظ نہیں ہے۔ انہوں نے کہا کہ لاپتہ افراد کی یہ عید بھی رہائی اوران کے ورثا کی روتے اوراپنے پیاروں کاانتظار کرتے گزر جائے گی ۔انہوں نے کہا کہ انسان کواپنے عزیز واقارب کی موت کاصبر آجاتا ہے لیکن اگر کسی کواپنے پیاروںکاکوئی سراغ نہ ملے تو اس کے گھر میں ہروقت صف ماتم بچھی رہتی ہے ۔ پاکستان کے عوام بڑی جبکہ حکمران چھوٹی جیل میں قیدہیںلیکن دونوںمیں سہولیات کا بہت فرق ہے۔